文詠珊戀情煞停 幸福樂基兒不聞不問

黎明的愛將文詠珊（Janice Man）前晚證實與男友李冠鋒處於冷靜期，而老闆娘樂基兒則表示對其感情生活不知情。

前晚Janice Man（JM）與老闆娘樂基兒結伴欣賞《A.T by ATSURO TAYAMA時裝騷》，對於被指甩拖並轉嗒同門師弟李治廷，JM有感而發說：「我成年都比較混淆，一時話分手，一時又話一齊。我同李治廷嘅緋聞係笑料一則，好搞笑！（你同男友點？）希望有空間畀我，至於單身與否，我只可以講呢一刻比較混亂，希望冷靜落嚟抖吓氣。（處於冷靜期？）係，一直唔想講，係想集中工作，感情講得太多會好大壓力，今日算係有個交代。」至於樂基兒則表示不知道JM戀情告急，亦不作回應，問到會否與她分享幸福家庭心得，樂基兒說：「我哋唔傾呢啲。」

李治廷嫌熟

時裝騷邀得混血名模Amanda S.及諸葛梓岐等行騷，早前被本報拍得在港試婚紗的Amanda，原來還遠赴紐約及意大利選購婚紗：「試過最多一日試着十幾套婚紗，搞到頭暈！」同場的第4代「Canon女」Alice B.，則否認翹着男友逛街。

另外，李治廷昨日到電台宣傳新歌時，亦指與JM的緋聞很好笑，問到JM是否符合他的條件，他說：「如果冇傳緋聞，我會話啱，但我哋係Friend底，會難啲！（乘虛而入？）冇咁嘅諗法，我覺得咁都幾衰，所以唔會！」