新性感女神娜姐：永遠懷念！
一代性感女神、兩屆奧斯卡影后伊莉莎伯泰萊離世，一眾藝人深表惋惜，指永遠懷念玉婆的演出。
周秀娜：永遠會懷念佢嘅風姿，欣賞佢喺電影毫無保留咁演出，愛情方面又敢愛敢恨，最深刻係佢喺《埃及妖后》嘅演出！
黎耀祥：知道佢過咗身，真係好惋惜，我睇玉婆電影作品嗰時，佢都已開始淡出影壇。玉婆係好有魅力、好高貴嘅女星，佢係一個傳奇！
劉偉強：我一路都好鍾意佢，佢係我嘅偶像嚟o架！佢係一代尤物，但都冇計啦！都已經咁老，祝佢一路好走！
羅啟銳：我好鍾意佢，佢好有六十年代嘅風韻，知道佢有好多段婚姻，我覺得佢同李察波頓最哀怨纏綿，佢一生之中，李察波頓其實係最啱佢嘅男人，佢當年係揀啱咗。
周家蔚：我好鍾意睇佢埃及妖后造型嗰部電影，啲眼線畫到好似「貓眼 」咁，係佢先做到個角色嘅神髓，佢嘅離開係好可惜！
周秀娜