馮德倫吳彥祖隻揪爭話事權
馮德倫和吳彥祖昨日出席記者會，宣布成立「突圍映畫」，並即場與華誼兄弟總裁王中磊簽約，建立緊密的合作關係。問到如工作上有意見分歧會如何處理？吳彥祖坦言可「隻揪」解決，馮德倫則說：「咁即係我話事啦！」吳彥祖搶答：「唔係，係我決定啦！」
而馮德倫宣布正籌備開拍由李連杰主演的《太極》，正忙於睇景和選角。席上播放吳宇森對二人評價的片段，祝願他倆拍攝《英雄本色》成功，問到會否找吳宇森擔任《英》片的顧問，馮德倫說：「有祝福已經好好啦！」
忙於電影工作的馮德倫，被問到是否無暇拍拖，他說：「梗係冇，我都想，等咗好耐，等咗好多個鐘頭都冇發生。（緋聞女友徐若瑄傳有新歡？）唔知。今日唔係講呢啲，講番電影。（搵佢拍戲？）有啱嘅題材一定會搵。」吳彥祖則笑言日後找女角均交由馮德倫負責，因他是精神領袖。
王中磊（左起）、吳彥祖和馮德倫出席簽約儀式。