甄子丹擬移居加拿大避災
甄子丹、麥兆輝及莊文強昨日宣傳新片《關雲長》，子丹坦言對三國知識膚淺，曾考慮辭演：「起初接咗呢部戲都有擔心顧慮，後來我提議不如搵麥兆輝同莊文強，覺得佢哋會有新角度，出嚟效果真係似『古裝版』嘅《無間道》。」麥兆輝及莊文強表示該片是他們的古裝處女作：「戲內曹操似警務處長，劉備似好嘅黑幫，咁警匪片都係你追我逐同打鬥，所以唔會似歷史片。」
子丹去年不停拍戲，但太太汪詩詩坦言因日本發生大地震，令老公曾考慮返加拿大居住：「佢係諗過，覺得離開會唔會舒服啲，但應該唔會。」對於妹妹汪圓圓與蔡志明兒子蔡加讚拍拖，詩詩與老公大讚對方後生及靚仔。子丹更坦言曾一起食飯，覺得加讚是重家庭的人。
甄子丹出席新片的拜神儀式。
汪詩詩（左）大讚圓圓男友蔡加讚乖仔又靚仔。