超雲多仔追媽咪放心

有傳賭王千金何超雲與藝人陳山聰同坐直升機去澳門慶祝生日，超雲前晚出席活動時斬釘截鐵否認，堅稱與山聰只屬朋友，更自爆同坐直升機的實另有其人，看來身邊不乏追求者！

超雲、呂慧儀、林莉和諸葛梓岐等前晚出席公開活動，被問到與陳山聰的緋聞時，她表示未看過該報道：「同山聰係朋友。（影到佢攬住你條腰！）嗰個絕對唔係佢，係我另一位朋友。」超雲指母親陳婉珍十分開通，不會理會她，知道她與山聰只是朋友，對她絕對信任，十分放心！問到媽咪會否擔心她與結過婚的男人拍拖？超雲說：「咁你要問番媽咪先得。（媽咪對山聰嘅印象點？）冇講過。」

超雲坦承緋聞對她造成不少困擾，故與另一位緋聞男友周柏豪少了聯絡。對於兩位緋聞男友為她在網上掀罵戰，她說：「我唔知佢哋係咪鬧交，其實都唔關我事。（點解減少聯絡，想避忌吓？）都係。（已完成英國學業？）依家暫時返咗香港，跟媽咪學吓嘢。（因分產風波而留港幫媽咪？）係囉！書可以遲啲先讀。（分產事件Settle好，大家都滿意？）係。（點解賭王近日經常入院？）爸爸精神好好，其實每個月都會入院檢查。」

呂慧儀主動搵男伴

另一邊廂，周柏豪昨日出席遊戲機活動時，被問到超雲揚言要疏遠他，有何感覺？他表示與超雲一向很少聯絡，不會因此傷心，沒有Hurt的感覺。他大方回應緋聞亦是工作的一部分，承認有留意超雲與山聰慶祝生日的報道：「睇咗啦！係佢嚟o架嘛！（祝福佢哋？）如果係真嘅，我就祝福佢啦！」

此外，呂慧儀表示閒時會與知己或父親飲兩杯，但酒量欠佳。她表示入行後很少到夜店消遣，笑言要在活動中乘機找男伴：「Dry咗好耐，要出動啦！」