羅拔象口玩命險變肉醬

兩位新一代萬人迷日前分別亮相電視節目冧Fans，英國型男羅拔柏迪臣自爆曾冒險爬入象口半天吊，而加拿大小天王Justin Bieber就犧牲色相扮長毛！

羅拔柏迪臣前日在紐約現身名嘴Jay Leno的清談節目，宣傳新片《情約奇藝坊》，大談拍攝時的趣事。羅拔表示與片場的大象Thai相處融洽，甚至大膽到第一次與Thai見面就爬入象口，讓牠咬住半天吊！他說：「佢條脷好大，啲牙生得好後，可以叼住我周圍走！」話雖如此，羅拔此舉其實非常危險，萬一大象鬆口，隨時將他踩成肉醬，所以千祈咪學！

羅拔又分享在一場戲中，拍檔慧絲溫達絲般要與大象配合耍雜技，但她身前的大象突然蹲下放屁，令她「硬食」臭屁整整45秒！羅拔邊講邊大笑的同時亦不忘讚慧絲：「件事證明慧絲好投入，因為佢全程企喺度食晒，而且大象個籮柚好大！」羅拔其後又說笑指自己想化身做大象。他還自爆最近迷上食牛肉乾，在片場更將牛肉乾當飯食。Jay亦特別送他一大包由德州速遞到來的牛肉乾，但羅拔笑言15分鐘便可清晒。

Justin扮長毛搞笑

另一邊廂，Justin Bieber周六晚在德國開巡迴演唱會，再亮相當地著名電視節目《Wetten Dass...?》。長毛主持特別替他戴上金色假髮，讓他模仿自己。Justin亦非常玩得，與主持一齊搞笑。當日嘉芙蓮丹露及Bruno Mars亦是座上客。此外，有傳Justin欲替Robbie Williams重整他早前創辦的洛杉磯Vale足球隊。