張智霖鬧靚靚出氣
歌星張智霖（Chilam）昨日出席新碟簽唱會，吸引大批歌迷捧場，一名小女孩更向他獻吻。將於本月26及27日假紅館開騷的Chilam透露為做好個唱而節食及運動，令他叫苦連天：「做Gym做到個人都唔知為乜，又食唔飽，又要戒最鍾意嘅甜食，搞到成日無理取鬧發脾氣。（老婆都畀你鬧？）係呀！佢默默承受！」
另一邊廂，Chilam太太袁詠儀（靚靚）昨日穿鬆身衫出席麥當勞活動，她否認有喜，更自爆甲狀腺有問題影響造人計劃。靚靚又大爆老公成功邀得「舊情人」許秋怡擔任個唱嘉賓，而她亦期待看他們合唱：「我會帶埋魔童（囝囝）去睇，不過要諗計將佢收埋！」
Chilam綵排辛苦，靚靚變成出氣袋。
小女孩送吻，Chilam一臉陶醉。