張美妮有「圓」着日牌
無綫姐仔張美妮出名貪靚，最喜歡買衫的她身形「嬌滴滴」，穿日本牌子最適合不過：「我喺尖沙咀一間商場入面搵到呢六、七個日本品牌，好似係Duras、Lag Unamoon呢啲牌子，好多日本雜誌裏面嘅Model都有着o架！」美妮大讚日本品牌較外國品牌便宜，連身裙晚裝僅索價千多港元：「我嘅身形圓碌碌，幾個品牌嘅衫Cutting好啱我，着咗之後睇落去都修長啲，有女人味之餘又唔會太妹！」她表示平日多數穿裙襯絲襪或Leggings，甚少穿牛仔褲：「我發覺啲低腰牛仔褲會着到後面舊『Call機肉』好大，而且減極都減唔到，所以盡量都會少啲着！」
