時尚何韻詩變咗Eason?!
多位潮女星已急不及待換上春裝出動,但現實殘酷,在「時裝判官」張學潤面前絕不能渾水摸魚,一旦欠缺時代感一概冇得留低!
何韻詩 7分
評語:向來都覺得何韻詩可以Carry到比較特別嘅風格,佢套衫Casual但夠時尚,幾特別,唯一係望落去,竟然有啲似Eason。
鄧穎芝 8分
評語:套衫同對鞋各有特色,合併後好有時代感,好啱嬌滴滴嘅女仔着,髮型睇落好有層次,好適合佢。
趙碩之 8分 簡單配有進步
評語:今次的確抵讚,套衫將Casual同高貴配合得好平衡,簡單有型,好時尚,仲令佢睇落去好瘦好高挑!
Mandy Lieu 6分 搵「事業」搶分
評語:呢套全黑色套裝着喺Mandy身上只能夠話正常又穩陣,冇驚喜,好彩佢露出大大條事業線,叫做有啲睇頭冇咁悶。
Ana R. 5分 太穩陣扣晒分
評語:貴為名模今次真係唔抵幫,套衫過分穩陣,完全帶唔出時尚感,尤其出席潮流活動,我覺得佢應該注重自己嘅裝束。
鄭融 4分 腰短忌短衫
評語:平日幾欣賞鄭融嘅衣着,可惜今次有啲失望,套衫着到佢好師奶,因為佢條腰比較短,着短身衫會令人錯覺佢好肥。
吳日言 6分 着錯鞋欠統一
評語:佢套衫好Lady,幾適合佢嘅年紀, 可惜襯錯鞋!如果換番對高踭鞋會更配合,依家搞到上下風格不一,唔知想點!
糖妹 3分 只啱去田園
評語:雖然佢個樣似陳慧嫻,但我肯定20年前陳慧嫻都唔會咁着,想走田園風格都應該加啲潮流元素,佢依家似村姑!
蔡穎恩 3分 「娘」到冇嘢講
評語:睇完真係嚇一跳,完全睇唔出佢套衫要表達啲咩!加上髮型非常古老,令佢成個人睇落好「娘」。
何韻詩
鄧穎芝
趙碩之
Mandy Lieu
Ana R.
鄭融
吳日言
糖妹
蔡穎恩