憑《巾幗梟雄之義海豪情》中「非凡哥」一角深入民心的麥長青（麥包），昨日為私隱專員公署到學校與學生分享私隱訊息，他坦言對私隱條例並不熟悉，早兩日更接到騷擾電話，他無奈地說：「有個女人打嚟問我食咗飯未，仲要知我係邊個，話講明玩電話，又講咗一輪粗口，最後我就話『唔好意思』，然後收咗線啦！」他表示不少朋友都有他的聯絡號碼，故電話號碼外洩並不出奇。
「非凡哥」麥長青到學校宣傳私隱訊息，受到大批學生歡迎。
