文恩澄收性騷擾電話擬報警

歌手文恩澄（Rannes）近半年來頻頻收到性騷擾電話，對方起初只致電Rannes開設的Cafe，直至上星期竟直接打到她的手機，她說：「嗰個人每次打嚟都講埋啲猥褻說話，我每次都嚇到即刻收線。」Rannes表示身邊朋友多以花名相稱，行內人才會叫她英文名，問到是否認識該人？她說：「呢行啲人應該唔會咁無聊啩！可能有見過但唔熟，不過記得曾經有個Fans同我講有我手提電話，可能係呢個途徑傳咗出去。（換電話號碼？）暫時唔考慮，因為轉咗都幾麻煩。」Rannes表示若對方繼續騷擾，影響她私人生活，會考慮報警求助。