升Cup羽翹慘被拍胸
歌手羽翹前晚以橙色低胸連身裙現身銅鑼灣鬧市，跟一眾谷胸上陣的模特兒一齊派香口膠，雖然下着毛毛細雨，但羽翹無懼濕身堅持走出行人專用區，她笑言擔心被幾位模特兒「比下去」，故有備而來：「今日係活動第二日，上次都係着呢條裙，點知畀後面班性感模特兒搶晒鏡，無論身高同身材都比下去，所以今日特別『升Cup』到場！」羽翹表示上次有「龍友」刻意拍她的胸部，令她非常尷尬，問到會否擔心遭鹹豬手？她說：「我唔使走入人群度派，工作人員會揀人嚟攞！」
此外，她表示不能接受男朋友有口臭：「我哋有一個同事真係成日捱夜或通宵，搞到有口氣，我冇直接話佢知，淨係勸佢唔好留咁夜，或者送香口膠畀佢！」
羽翹冒雨性感出巡，更揚言「升Cup」出擊。
羽翹現身銅鑼灣派香口膠給市民。