李亞男冇同祖藍影密照
胡定欣、李亞男及王君馨昨日在銅鑼灣宣傳《香港國際七人欖球賽2011》，胡定欣表示有留意林峯床照：「同佢好耐冇合作，佢唔好彩，畀人外洩啲相。（潘霜霜話唔見電話？）咁當事人至知，怕唔見，不如索性唔好影，影得就要好好處理，始終身為藝人。（無綫小生鍾意北上識女仔？）有人話無綫女藝員北上識男友，我唔覺，呢啲睇緣分啫！」
李亞男則說：「我同祖藍冇影親密照，佢唔鍾意影相，我就有靚景先影，屋企冇乜好影，而且祖藍係『好好戀愛大使』，要宣揚正確戀愛訊息。」王君馨說：「我有底線，唔會同男仔瞓埋一張床，所以唔驚瞓着咗畀人偷影。」
至於龔嘉欣（Katy）出席另一活動時表示跟男友鄧健泓都沒有興趣拍親密照：「我覺得唔係咁先代表珍貴，我就冇影床照同泳衣相，反而鍾意影醜樣同得意嘅相，仲有留念價值。」
李亞男（左起）、王君馨和胡定欣在台上大玩欖球。