林峯好帶挈再掀床照風暴

林峯與內地巨胸女星潘霜霜捲入床照深淵，正當床照再次瘋行網絡世界，不少有心人渾水摸魚，把張靜初、吳鎮宇的劇照包裝成超激「床照」，認真惡搞！

事隔3年，「床照」事件又再鹹魚翻生，今次主角林峯被捲入桃色深淵，加上有傳第二輯峇里纏綿照即將流出，一顆弱小心靈被徹底摧殘。林峯中招，但未有涉及事件的張靜初、吳鎮宇等藝人就更加無辜，被有心人把劇照當「床照」放在網上瘋傳。

本報記者在網上發現，多個討論區正熱烈談論張靜初及鎮宇的床照，更以「張靜初『床照』誘惑引人遐想」、「吳鎮宇、姚迪（內地女星）的床上艷照被曝光」為題引人注意。張靜初該輯情慾照片，與內地演員郭濤床上纏綿，郭濤更探頭在張靜初屁股任啜！而台灣藝人賀軍翔與張鈞甯在台劇《幸福最晴天》中床上濕吻的戲份曝光，勢必成為另一「床照」焦點。

網友渾水摸魚

鎮宇的一輯照片就更加「寫實」，只見他與姚迪穿上底衫在床上面貼面，關係曖昧。經查證下，張靜初的「床照」原來是內地導演趙天宇新片《萬有引力》鏡頭一隅，而鎮宇那輯更是早於去年車模獸獸爆出淫照時，被人拿來炒作！昨日記者致電鎮宇，他無奈又好笑地說：「都話明係電影《午夜心跳》嘅劇照，咁都要當真床照，我都冇辦法。好似啲人係都要去搶鹽一樣，我都冇計。對我嚟講，佢哋點諗對我都冇影響。」對於林峯與潘霜霜床照曝光，鎮宇大讚林峯得體：「我同林峯只係見過一、兩次，但未曾合作過。今次佢勇於承擔，而且回應非常得體，冇講過個女仔半句不是，希望佢經一事長一智啦！」

唔會鍾意男人

此外，林峯被爆「床照」後一直寄情工作，前日他風塵僕僕飛往北京出席頒獎禮，昨日又返港出席活動，令他疲憊不堪。林峯表示今次事件傷心比擔心多，更感慨地說：「諗起一個屬於自己嘅美好回憶好心噏，我向來唔鍾意解釋，今次係第一次承認同面對件事！」說話時他更眼泛眼光。對於潘霜霜下月底來港，問到會否擔心對方踩上門找他，林峯說：「冇諗到咁長遠，對方都冇屋企條匙。」雖然二人現已分手，但林峯坦言沒有與對方聯絡：「冇啦！只係佢單方面傳短訊畀我，不過我冇覆佢囉！」他又不相信有報道指霜霜於09年已與老外John結婚並育有一子的事。

問到日後會否收起女友手機及相機？他即哈哈大笑說：「冇諗呢個問題，多謝大家氹我開心，身邊朋友仲問我會唔會因為今次變咗鍾意男人，但我係唔係嘅！」

另外，吳雨昨日出席活動時，對於旗下的林峯床照曝光，他說：「男未婚、女未嫁，好濕碎啫！都係我衰，係我搵潘霜霜拍《翡翠明珠》，不過佢冇同我講拍拖事，林峯呢個衰仔，唔講畀我知。」