張曼玉前晚於北京出席頒獎典禮，瘦削身形表露無遺，擺甫士時面部皮膚更顯得鬆弛！早前她被指與建築師男友Ole Scheeren分手，後來二人以行動闢謠，不過前晚曼玉語帶玄味說：「唔係你哋睇得咁簡單！好似出席活動咁，佢唔嚟唔代表我哋分開，佢嚟亦唔代表我哋唔係分開，唔可以單睇表面！」講到幸福，她另有一番見解：「幸福就係有安全感，唔一定係結婚生仔！要對生活有自信，做啲你喜歡嘅工作，我覺得身邊有愛你嘅人唔一定係男人！」工作方面，她坦言暫停了演藝工作，考慮退居幕後。