姚嘉兒棄Law殺入樂壇
樂壇新人姚嘉兒憑一把激似容祖兒的靚聲，在音樂比賽中屢獲殊榮：「我好細個就鍾意音樂，試過自資開迷你音樂會，反應幾好，吸引過百名Fans撐場，好開心！」
為追尋理想，嘉兒勤做補習儲錢，最近便自資六位數字推出首張EP碟《尋覓愛》：「其實我好窮o架！由細到大屋企環境都唔算好，但我覺得只有音樂先可以感染別人，之前喺音樂會見到觀眾感動到喊，即刻覺得幾辛苦都值得！」
在大學攻讀法律系的嘉兒，一意孤行加入樂壇：「我讀大學嗰陣喺律師樓做見習生，學到好多嘢，但最終都係想唱歌多啲！好彩屋企人冇反對，媽咪仲好支持我添！」
