陳靜Liz登陸吸金難忘B哥歌

同門師姐妹陳靜與李宥彤首次合作拍電影，最近結伴到內地宣傳，她們坦言最難忘是跟前輩鍾鎮濤唱卡拉OK，聽出耳油！

陳靜（DaDa）與師妹李宥彤（Liz）早前齊齊接拍新片《宅男總動員》，可惜兩人無緣演對手戲，DaDa說：「我同Liz好熟，如果能夠一齊演戲應該好有火花，可惜我當時有另一部戲喺身，撞晒期，搞到最後只可以客串！好彩劇組好錫我，最後宣傳都預埋我一份，依家先有機會同佢哋去晒十幾個城巿。」她又透露最難忘是跟同片的鍾鎮濤（阿B）唱卡拉OK：「第一次去到卡拉OK大家都唔肯點歌，因為想留番畀B哥哥，個個都想聽佢表演！」

同房傾通宵

至於Liz笑言宣傳期間主動要求與師姐合住一房，為劇組節流：「就算佢哋畀兩間房，我哋都會喺同一間房傾通宵，無謂浪費啦！」新片將於下月1日全國上映，DaDa及Liz相當期待，首次到內地拍戲的Liz坦言此行收穫甚豐：「去內地拍戲好開心，因為冇乜地方可以去，所以會好專心！加上可以睇到好多內地工作人員同演員嘅工作方式，真係好充實，希望有多啲機會繼續拍戲。」