陳庭欣泥漿封胸避高海寧峰頭
香港小姐陳庭欣與高海寧早前到越南拍攝節目《為食總司令》，跟名廚黃永幟四圍尋找美食。雖然每日都吃個不停，但陳庭欣坦言返港後不覺胖了，笑言可能曬得太黑所以不覺眼：「幟哥同我哋出海搵海鮮食，大家喺烈日當空之下煮嘢，好有風味，但就曬得好黑。（出海有冇着泳衣？）冇呀！淨係有一集拍我哋去浸泥漿就着咗泳衣。（同身材咁好嘅高海寧一齊咪好大壓力？）所以我成身搽晒泥遮住！」
陳庭欣坦言五月要為節目到馬來西亞拍攝，她笑言今趟一定會做足防曬工夫：「越南已經唔算好熱，三十度以下，我都搽晒防曬，不過都唔知點解會曬到咁黑，八月就要卸任港姐，我諗我會係最黑嘅港姐囉！」
陳庭欣（左起）與黃永幟及「咪神」高海寧到越南拍攝。
陳庭欣到泥地邊拍邊玩。
高海寧與陳庭欣享受陽光與海灘，曬到黑晒！