葉翠翠唔恨嫁入豪門

葉翠翠在新劇中飾演陳山聰老婆，雖然能嫁入豪門，但老公卻「包二奶」，令她受盡委屈！不過，現實中翠翠對嫁入豪門避之則吉，認為真愛比榮華富貴重要！

葉翠翠在李添勝監製的新劇《我的如意狼君》中演繹悲情角色，難免影響情緒，她表示為培養情緒平日也要強迫自己回想受委屈的事情，務求更能入戲配合受氣兼捱打的角色。

摑完陳自瑤想喊

最近翠翠拍攝一場被見異思遷丈夫陳山聰掌摑的戲份，但原來打人比被打痛苦得多，她解釋：「山聰摑我都係就位，但我摑YoYo（陳自瑤）就要真打，以前都未試過打人嘅，拍之前擔心咗幾日。YoYo雖然都好專業叫我出力打，但摑到啪一聲，打完自己反而好想喊。」

現實生活中，翠翠的愛情觀情願講心好過講金，但劇中角色則相反，她說：「劇入面就嫁入豪門，但現實就唔使喇！簡簡單單就好，唔使咁複雜，搵到個鍾意自己嘅人就得，唔係睇佢有冇錢，依家香港女仔好獨立、好有能力，唔使睇對方啲錢、條件嚟嫁人。」不過，她想嫁都可能要等等：「之前做《香港有運行》有幾個師傅都話我呢幾年冇桃花，好彩佢哋話我最終都會嫁得如意郎君，所以聽完都冇唔開心。」