碩之遇A貨奧巴馬畀反應

趙碩之年初曾求姻緣運，早前她到美國登台，便遇上外國型男自薦做導遊，在加國又遇熱情男邀跳貼身舞，艷遇不停！

趙碩之（Wylie）早前曾專程到桃花林望增桃花運，結果她早前到美國登台期間，即有艷遇，她笑說：「我唔知係咪剪咗個新髮型，美國好多人都以為我係日本女仔，有啲仲走埋嚟問我係咪喺日本嚟，有啲都幾靚仔，試過有一個貌似湯告魯斯嘅外國男仔，話可以做我美國導遊，但我始終覺得唔係咁安全，所以婉拒咗！」

跳貼身舞出事

談到在外地工作的難忘經歷，Wylie亦離不開一籮籮艷遇，其中最難忘一次是在多倫多登台時，遇上貌似奧巴馬的男人邀共舞，令她大吃一驚：「嗰次登台嘅老闆話請我哋去Club玩，喺個度識咗一個好有型嘅外國人，佢請我跳舞嘅時候，就跳起貼身舞嚟，我覺得佢唔知係咪有生理反應，嚇到我唔敢貼咁耐，即刻彈開。」

桃花雖多，但Wylie坦言最希望遇到真命天子，但即使遇上Mr. Right亦不會閃電結婚，認為慢慢了解很重要，免得日後「因了解而離婚」。