超盈自嘲少人追
何超盈為捧好友陳柏熹場，前晚與關心妍、林莉及傅明憲等出席Moiselle時裝騷。問到姊姊超雲與陳山聰的關係，她說：「我唔知，佢公開先算！佢哋係好朋友，我信，你哋都要信呀！（你好專一喎？）如果你哋夾硬寫我緋聞都得，不過你哋對我好，冇亂寫！（何家淑女多人追？）唔係，我好少人追，唔知其他人！」她表示父親何鴻燊身體不錯，但要定期入院檢查：「官司搞掂咗，佢心情好咗好多，仲識講笑添！」另外，本來於三太家過夜的賭王，昨晚乘車到二太大宅。
另一邊廂，曾揚言與老公努力造人的關心妍，慨嘆暫時未有好消息：「依家係衝刺期，因為要趕生兔仔，得閒就不設防！」她表示崇尚自然，不會考慮人工受孕。
超盈（右起）與林莉齊齊睇騷，相當專心。
傅明憲現身撐陳柏熹，老友鬼鬼。
關心妍為趕生兔B，最近努力「造人」。