黃秋生轟港人搶鹽混帳

黃秋生昨日怒轟有人借天災發死人財，誤傳食鹽有助抗輻射，令香港引爆搶鹽潮，大叫混帳！王菲、陳奕迅和李珊珊等亦寸爆「搶鹽黨」無知！

日本發生世紀大地震，引爆海嘯和核爆危機，不少港人昨日誤信食鹽等可抗輻射，掀起全城「搶鹽潮」。有「時事判官」之稱的影帝黃秋生昨日凌晨苦口婆心地叫博友不要亂信傳聞，又為汶川地震災童向日本災民慰問一事表示感動。但他昨日得知市民搶鹽再度發火，怒轟有人借天災發死人財太混帳：「搶鹽嚟做乜？係咪一日食一包呀？定係攞嚟醃自己？係咪有人想發死人財？食鹽可以抗輻射？不如直接瞓喺鹽上面『碌』啦！或者見到有人流汗，直接舐嗰個人個身啦！真係混帳，社會上無知嘅人真係好多，唔該唔好咁無知，搞到周圍恐慌，睇怕輻射未嚟之前，人已經死於無知。香港人一路都冷靜，點解會搞成咁？唔該大家淡定啲啦！唔好自己嚇自己，依家就好似啲貓貓狗狗自己追住自己條尾嚟咬咁！」

而王菲以普通話玩食字，寸爆「搶鹽黨」：「難鹽之隱、一擠了知！」然後又說：「將來肯定會嫁個有鹽人！」搞笑的還有陳奕迅（Eason），他看畢網友自稱其鼻屎可抗輻射，誰人願公開自己愚蠢搶購的話就有折扣的惡搞文章，立即留言：「我要！」引發粉絲博友鬧着玩。

王菲寸有難「鹽」之隱

珊珊對於另一食屎抗輻抗惡搞文章則說：「人們看到後會否搶着吃呢？還好，這方法能每天循環不息『自給自足』，多環保又經濟實惠，大家不用花錢去搶了！」