Ella蜜照有睇「頭」
官恩娜（Ella）昨日出席咖啡店開幕時透露，從網上得悉林峯與潘霜霜的「床照」流出：「瞓覺被偷影真係冇計！（小心保管手機？）我同男友啲相最親密都係頭貼頭，唔會有床照，加上會第一時間放入電腦！」憑電台劇集《有房出租》入圍《第一屆亞洲彩虹獎電視頒獎禮》「最佳女喜劇演員」的她，與有榮焉：「其實我可以拍搞笑戲！（向周星馳自薦？）佢同我同一個星座！」
至於狄易達昨日現身電台時坦言女仔「信唔過」：「女仔嘢有時好難信，都幾無奈！但瞓埋同一張床梗係相信對方！講起都幾驚，因為我瞓着就冇晒知覺，試過瞓到畀人除咗條褲都唔知！」
Ella罕有以低胸裙示人，有啲料到喎！
Ella與新西蘭音樂人Evan Rhys Davies鬼咁好傾，果然訓練有素。