Big波雷凱欣邊晒邊呻

雷凱欣以白色低胸裝「凸」襲夜店，大騷Big爆身材，她表示間中會到夜店耍樂，惟擔心胸大受注目，故不會太大動作，只會輕輕扭出S形。

黃榕、雷凱欣、陳蕊蕊、郭穎橋及高鈞賢等，前晚出席夜店三周年活動，身穿白色低胸裝的雷凱欣，貫徹在《3D肉蒲團之極樂寶鑑》的大膽演出，大晒36F上圍，「胸」湧指數爆燈，輕易成為全場焦點！她笑言性感撐場只是「盡本分」，問到是否真空上陣？她說：「唔係呀！入面有泳衣打底。其實胸大都有弊處，就係唔用得Nude Bra，依家就算條裙跌帶都仲有件泳衣Top。」

雷凱欣表示最近體重下降，但上圍不變，令她更有自信，不介意作性感演出！問到是否經常到夜店消遣？她說：「喺香港會怕醜，驚有人認得。（胸大引人注目？）都係少少郁啫！扭吓S形，唔會有太大動作嘅！」

天使妹請錢國偉食檸檬

曾是「天使妹」的郭穎橋及陳蕊蕊結伴到場，問到最近工作，轉型當歌手的陳蕊蕊表示即將有歌派台，郭穎橋則指過去曾單飛派歌，但因合約問題而告終，問到是否跟錢國偉少聯絡而令工作減少？她說：「都有聯絡，佢有搵我拍戲，但我推咗。」蕊蕊亦表示因要穿泳衣而請錢國偉食檸檬，因當歌手後只接受健康性感，底線是Tube Top加短褲。