何潤東安全抵港仲震緊

日本世紀大地震震撼全球，「劫後逃生」的何潤東昨日安全抵港，但談及地震時顯然未驚完！至於胡兵的東京寓所歷劫後亂作一團，令他慨嘆「家園盡毀」！

九級大地震加上核輻射陰霾，令全日本陷入恐慌，東南亞演藝界紛紛響應賑災，希望為災民帶來曙光。台灣明晚舉行的《相信希望fight & smile》籌款活動獲逾百位藝人支持，其中曾在日本發展的徐若瑄捐出100萬新台幣（約26萬港元），而大S徐熙媛則聯同妹妹及丈夫汪小菲捐出6位數字新台幣，至於徐若瑄及孫燕姿等則發起於本月24日舉行包包義賣會。

日前在日本經歷大地震的何潤東，昨日經上海轉機抵港，因安全到港而鬆口氣的他，談及地震時猶有餘悸：「我當時喺地下室，發現唔安全，所以同AK跑去截的士離開，大家分開車坐，失去聯絡幾小時，心急如焚，加上唔少台灣同香港粉絲專程去睇騷支持我，佢哋一度被困喺列車中，如果有咩意外，我會好內疚！」問到會否被嚇怕，不敢再去日本？他說：「唔會，祝福災民順利渡過難關，好明白佢哋心情好忐忑同不安。」至於會否應主辦單位要求，於5月再赴日開騷，他則表示未有定案。而視日本為第二個家的內地男星胡兵，在微博慨嘆「家園盡毀」，並上載亂作一團的東京寓所照片。

瑞莎鄭元暢取消赴日

另外，原定下周到東京行騷的台灣名模瑞莎，為時裝周停辦感可惜：「媽咪初時以為連台灣都受牽連，我打畀佢報平安先知冇事，但好多台灣人都好驚好似日本咁。」至於鄭元暢與郭采潔亦取消下月初到日本宣傳新片；而田中千繪身在東京的父兄已報平安，稍後她將隨醫療團隊返日。