小方飽覽群峰High到升天

楊梓瑤與松岡李那等十多位美女身穿比堅尼出席新片記者會，難怪演員之一的方力申笑言如置身天堂，講明到處攬女合照！

方力申、楊梓瑤（Carol）、江若琳與敖犬等昨日在海南島出席電影《戀夏、戀夏、戀戀夏》記者會，現場波光四射，Carol、劉羽琦、松岡李那及馬瑙等十多名女演員穿比堅尼出場，當中更有人現形及疑似露毛！相反，「內地咪神」張馨予只穿T恤上陣。

楊梓瑤現實唔貪錢

全場最密實的江若琳自嘲「夾夾不入」，還自爆娘爆造型遭嘲笑：「我要戴太陽帽同眼鏡，畀人笑我影響『美人圖』，加埋我好似靈異照！」至於血氣方剛的小方直言會周圍影相，留下美好回憶：「真係好似天堂，點解我咁幸運o架！我會帶定手機同人合照！（驚啲相流出？）驚睇唔番咋！（唔怕Stephy呷醋？）講呢啲？」提到大地震頻生，他擔心真的世界末日，要珍惜眼前人，對於有指方父爆料指他年底結婚，他即否認：「冇可能！（秘婚？）我依家話大搞，但到時諗法可能唔同。（又話珍惜眼前人？）係陪多啲屋企人，做吓善事！」

面對強敵來襲，Carol表示不怕「鬥波」：「大家都好Friend，冇是非！」她飾演宅男敖犬的夢中情人，但嫌棄對方身家沒有五千萬元，問到現實是否貪錢之人，她說：「其實我唔係咁睇錢，人好就OK！」

此外，日模松岡李那對家鄉發生地震大感心痛，她說：「希望佢哋盡快解決所有問題。（親友安全？）有通電話，佢哋冇事，本來我會返日本，但依家揀去香港工作先。」