陳山聰與陳敏之向來以「兄妹」相稱，感情要好，不過自山聰與超雲的緋聞傳個不停後，這位「阿妹」都十分識做，沒有騷擾「阿哥」，並指只要對方開心便可。不過，昨日又有報道指敏之與山聰於06年時因為拍劇而撻着，及後因分手才變為「兄妹」。對此，記者昨日致電敏之，她聞言即說：「唉！呢啲真係回應都好嘥氣！識得我哋嘅人都知我哋不嬲都係兄妹，真係得啖笑！我覺得呢啲傳聞唔需要回應囉！講都冇人會信。」
陳敏之堅稱與陳山聰純屬「兄妹情」。（資料圖片）
