激讚陳山聰幾好超雲峰騷變髮

陳山聰與賭王索爆千金何超雲爆出「山雲戀」後，屢被翻舊帳，幸獲超雲不避嫌明撐！昨日超雲心情靚爆染髮，含羞甜笑激讚山聰為人「幾好」，令關係更加浮面！

賭王何鴻燊三房千金何超雲自與王大業分手後，先後與林峯、張致恒及周柏豪傳緋聞，而無綫藝員陳山聰近日後來居上升呢做「迷雲黨」，爆出「山雲戀」，曝光率激增。不過，山聰因此屢遭起底，被指婚完又分、狠撇前妻、被包養及有私生子，不過超雲仍不避嫌在微博力撐山聰，足見兩人情非泛泛！

尷尬避談「私生子」　

昨午四時半，本報記者發現超雲與一名女子由布力徑大宅乘車到中環都爹利街，前往附近大廈內的髮型屋染髮。身穿螢光黃外套、低胸上衣及架上墨鏡的超雲素顏現身，心情不錯。對於山聰表示不排除發展可能，問到有否發展空間？她笑而不答，問到山聰為人如何？她即禁不住甜笑說：「幾好！（有冇同山聰多咗聯絡？）有短訊聯絡。」

超雲在髮型屋逗留約三小時離開，離開時已化了妝，問到有指山聰有私生子？她尷尬地說：「人哋嘅嘢唔答，朋友唔會介意呢啲。（影響你哋來往？）朋友啫！唔會嘅！」其後坐車返回布力徑大宅。

「男友」不快現愁容

至於男主角「勝利聰」昨日為劇集《回到三國》試造型，未知是否受是非困擾，他略展愁容，但仍不忘Chok樣。對於前妻Ponny在微博的「天在看」言論，他說：「冇睇！唔方便回應，呢排冇乜時間，工作好忙。」談到超雲在微博明撐，他說：「自己寫咗段嘢後，好多Fans同朋友支持，絕對冇咁嘅事（私生子）。」

問到會否擔心再被翻舊帳？山聰說：「唔驚！私生子唔係事實，希望件事快啲過，重新投入工作！」他坦言為近日報道感到不快，不想回應太多，並表示與前妻及超雲最近甚少聯絡：「之前聯絡超雲只係想了解件事，唔想影響到人。（同超雲有冇發展機會？）總之依家唔係一齊。（怕三太陳婉珍鬧？）唔關事。」