超盈賀猷君數學比賽突圍

何鴻燊財產分配風波已解決，各房女兒再度在微博活躍。四太梁安琪千金超盈，前晚上載被譽為「數學天才」的弟弟猷君的型仔相，留言恭喜細佬勝出全英國數學Olympiad Test，代表學校參加更厲害的Mclaurens數學比賽，超盈大讚他有可愛一面！照片中，猷君穿上哈哈笑圖案的鞋，雙手插袋，樣子搞笑。超盈接受電話訪問時，踢爆猷君對未能獲滿分感到不太滿意：「佢攞唔到滿分唔開心，佢夠分代表學校參加更勁嘅Mclaurens數學比賽。（將喜訊話畀爹哋聽？）有呀！爹哋好開心，讚猷君嘅數學天分似佢。」而梁安琪雖然工作忙爆，但對愛兒獲佳績大感欣慰。此外，超盈關注日本災情，呼籲「童鞋」捐款。