陳山聰堅稱冇私生子超雲呵番

陳山聰自從與超雲傳緋聞後，屢遭翻舊帳，近日再傳出育有私生子，山聰隨即否認，更獲超雲留言力撐！

無綫藝員陳山聰最近與賭王何鴻燊女兒何超雲爆出「山雲戀」，成為追訪對象，繼被指婚完又分、突然富貴及被包養後，又被指有私生子！不過，昨晨他在微博急澄清：「本人於今（昨）天早已在電話訪問中，澄清過沒有私生子這回事，但在此，希望再三聲名（明）有關『私生子』之傳聞絕非真事！希望各方明白，多謝！」不少圈中朋友及粉絲留言支持，而超雲懶理緋聞，在敏感時期留言安慰：「Believe yourself﹗Stay happy and ignore the news!!Too terrible!! support you my friend!!（相信自己！保持快樂及不用理會那些報道！太恐怖了！朋友我支持你！）」及後超雲上載修甲照片，看來心情甚佳！

山聰接受電話訪問時堅決否認有私生子，問到會否追究？他認為清者自清：「但咁樣講好肉酸，會影響到我，根本冇啲咁嘅事，自己都唔知有個私生子，十年前都冇人講，有必要澄清。」

舊愛王大業「着火」

此外，有指平時拍劇口若懸河的山聰，最近掛住煲電話粥與同劇演員零交流，惟他否認：「我同黃浩然同周麗淇拍劇好開心，陳秀珠遲啲去澳門睇騷，佢問我有乜好嘢食。（Facebook狂發心心畀超雲？）係隨意咁發，其他人都有。（戀情明朗化？）係『明朗化』嘅朋友。」他又否認坐直升機與超雲慶生及攬腰：「相中人唔係我，覺得好好笑。（同前妻辦妥離婚手續？）之前回應咗，唔想再回應。」而超雲舊愛王大業則於晚上七時許，上載穿球鞋相片，並寫道：「I'm on Fire，我着了火！」似有弦外之音！