糖妹Dominic比情侶親蜜

新一代「宅男女神」糖妹傳出與Bro 5成員Dominic撻着，昨日二人雖然否認拍拖，但各自回應時卻答得非常曖昧！糖妹承認：「佢係比我識嘅男性朋友熟。」而Dominic更直說：「我哋關係比情侶更親密！」

最近糖妹被網民封為新一代「宅男女神」，可惜上位期間，即傳出與周秀娜師弟Bro 5成員Dominic撻着！昨日Dominic被問到與糖妹的緋聞時，他故弄玄虛地說：「我冇同糖妹拍拖，不過我哋關係比情侶更親密，而且報道亦唔會影響我哋日後行街睇戲食飯。其實之前一晚我哋先同La Ying成班人一齊按摩，亦唔會太避忌只得兩個出街。」他大讚糖妹細細粒好可愛，感覺容易保護，不排除有發展機會。

另一邊廂，糖妹承認與Dominic熟過一般男性朋友：「我哋係識咗好耐，咩都會同佢講，佢都係比我一般男性朋友熟。（有發展機會？）冇！（Dominic話有？）係咩？可能我哋太Friend喇！而我哋嘅關係可以好到用『老死』形容。」

微博晒合照

雖然二人一致否認拍拖，但據知他們早在入行前已認識，因去年在戲劇班日久生情而撻着，而且當時在微博上，兩人有互相留言及拍照，Dominic更在網上幫糖妹新碟宣傳。