支持公司培育新血祖兒William開班授徒
由吳雨擔任校長的「英皇娛樂演藝創意學院」將於下月中開幕，英皇旗下藝人對公司成立學校栽培人才瞓身支持，其中容祖兒與陳偉霆（William）更自薦做導師！吳雨說：「尋日William話想教跳舞，祖兒都話有時間就教唱歌，公司會畀番導師費畀佢哋。」
至於鍾舒漫、洪卓立與泳兒，則對作曲及作詞課程大感興趣，吳雨說：「藝人有興趣都可以報讀，佢哋都想學創作，對演藝事業有幫助。有機會學多樣嘢，袋錢入自己袋，公司會提供免費課程畀佢哋進修。」
吳雨表示成立演藝創意學院的目的，是為娛樂事業培訓專業人才，學員要考試合格才能畢業，問到幕前班是否只收靚仔靚女，他笑說：「我哋唔係藝員訓練班，只要有潛質，外形唔得都可以栽培，總之有教無類！」
獲選中的學員有機會加入英皇，成為祖兒（中）與Twins的師弟妹。（資料圖片）
吳雨強調學員不一定要外形標青，最重要是有潛質。
為舞壇出心出力的William，自薦加入學院教跳舞。（資料圖片）
泳兒對幕後課程感興趣，希望學作曲及填詞。（資料圖片）