早前曾到訪仙台、福島等日本地方的索模Mandy Lieu，昨日盛讚當地人相當熱情，災情令她十分難過：「我會為災民祈禱，希望大家平安！（會唔會擔心輻射，暫時唔去日本或唔食進口食品？）我冇諗到咁遠，只係集中諗點樣可以幫助災民！」
至於本於日內起程往日本宣傳日文碟的王梓軒，昨日坦言宣傳工作要延遲：「公司咁決定都啱嘅，因為要尊重番日本災民嘅心情！（收入有冇影響？）冇！因為公司有發放底薪畀我！」他表示曾聽聞輻射雨問題，但覺得此事難於防避：「出街時帶定把遮啦！」
Mandy為災民祈禱，希望他們平復心情。
王梓軒押後新碟宣傳，感無可奈何。
