Baby瑞莎行騷臨陣撻Q

日本世紀大地震除了震散藝能界外，時裝界亦遭受衝激！Angelababy曾參加的東京時裝周昨日宣布停辦，除了經濟損失，更令不少藝人的工作大亂！

日本時裝界盛事《東京時裝周》（《Japan Fashion Week Tokyo》（《JFW》）），比近年o靚界追捧的《Tokyo Girls Collection》（TGC）更受時裝買手及潮人追捧，是一級品牌的時裝騷。今次《JFW》以安全及電力供應等原因取消，除令業界造成損失外，更波及不少藝人及模特兒，據知名模富永愛、藝人中村獅童及小林幸子等均有份參與，而台灣名模瑞莎也有份行騷！

王友良速遞被拒

瑞莎昨日接受電話訪問時說：「我仲未收到正式通知話取消，雖然我係第一次行東京時裝周，更係台灣唯一一個模特兒，不過唔會為取消而感到可惜，最緊要係日本盡快搞掂地震帶嚟嘅問題！」另外，原來Angelababy（Baby）今次亦有獲邀行騷，其經理人阿Kim說：「之前搵過Baby行騷，不過因檔期問題推咗！嗰邊好亂，希望大家平安啦！」而有份為男裝品牌行騷的王友良則說：「唔會失望！行唔到騷係小事，最緊要係日本快啲復原！」他表示原本買了一批物資速遞去東京給朋友，但遭速遞公司無原因拒絕運貨。

徐若瑄新碟押後

另一邊廂，已有10年未有在日本出碟的徐若瑄，原訂今日在日本舉行新碟發布會，但昨日亦臨時取消，並宣布出碟日期無限期押後！徐若瑄在Facebook留言道：「如果許生日願望都能實現的話，我的三個願望，都是願望我們的地球健康，所有災區都能平安度過！」

至於官恩娜昨日接受電台訪問時透露，原本到東京拍輯旅遊節目，現在未知取消與否：「計劃咗應該唔會打亂，去唔到會好可惜，因為機會難得！」而關智斌原定於25日到東京表演，但昨日在微博表示收到活動取消的通知。至於原定5月推出新碟後到日本旅行的鄭融，現或會改去紐約：「日本國民面對災難仍能保持冷靜同團結，係大家最值得敬佩嘅地方！」