徐淑敏1歲囡囡逗百萬利是
藝人徐淑敏（Suki）女兒黃心瑤（Vianna）今日一歲生日，大前日，徐淑敏與老公黃浩於深灣遊艇會為女兒舉行大型生日會，心瑤契媽沈卓盈亦有參加派對。
Suki送了一個大蛋糕給女兒做禮物，老公黃浩（Kenny）則開了一個銀行儲蓄戶口給女兒，Suki說：「Kenny將Vianna新年收嘅利是錢、屋企人送嘅生日利是錢開咗個戶口，作為囡囡嘅生日禮物。」據知此戶口存款已達七位數字。
生日會上，Vianna穿了姑媽送的蜜蜂衫與父母合照，Suki說：「佢似足佢爹哋鍾意熱鬧，又識望鏡頭，一望到鏡頭就好精靈，呢樣嘢好似我！」日本發生大地震，預計日本來貨會受影響，不少家長近日狂掃日本奶粉，但Suki未有為囡囡大量入貨，她說：「冇，因為我個女都一歲，可以食其他嘢，留番畀啲細過一歲嘅小朋友仲好啦！」
徐淑敏囡囡一歲生日，變身可愛小蜜蜂。
沈卓盈（左）出席契女心瑤的生日派對。
徐淑敏與老公黃浩為女兒舉行生日會，收到不少禮物。