法拉默認嗌薛世恒老公

陳法拉昨日出席活動時,有傳媒以「老公」來稱呼其男友薛世恒,法拉完全不介意,還甜笑默認。

陳法拉昨日偕台模沈志明及瑞莎出席護膚品活動,席間瑞莎親自餵緋聞男友志明食士多啤梨。至於獲大會安排小男孩獻吻的法拉,被問到如何趁白色情人節向男友薛世恒表達愛意,她笑言只需一個擁抱及一個香吻已感高興。問到如何與「老公」慶祝白色情人節時,法拉顯然沒有抗拒此稱呼,只甜笑說:「暫時未知,睇吓有冇驚喜啦!」但經理人卻急急澄清他們只是男女朋友。再問到男友有否趁節日送吻,她冧爆說:「在心中!(想唔想收戒指做禮物?)睇吓今晚有咩驚喜啦!(係咪認男友係老公?)好難答,呢啲係私底下稱呼,希望大家畀多啲空間我。」

一名日本朋友失聯絡

對於有指「未來妯娌」諸葛梓岐將於年底結婚,問她有否獲邀出席婚宴,法拉說:「答過好多次,據說年底嘛!總之戥佢開心!(幾時到你結婚?)遲啲先,工作好忙。」此外,曾到日本讀書的法拉坦言關心當地災情:「其中一個日本朋友聯絡唔到!讀書嗰陣嘅寄宿家庭喺西邊嘅金澤,冇咩影響!(捐錢賑災?)有機會都會,不過我相信日本善後工作會做得好好,所以我擔心傷亡人數多啲!」

影視組

法拉母性大發錫小男生,未知何時與薛世恒生番個?

薛世恒

瑞莎餵志明食士多啤梨,甜到漏!

瑞莎以低胸裝示人,盡顯台「峰」威力。