為日本人祈禱Mandy 擔心仙台漁夫
混血名模Mandy Lieu因為擔任now旅遊節目主持，自去年十月開始，斷斷續續四個月到日本。幾乎遊遍整個日本的她，一月才到過仙台，但日本大地震後引發海嘯，令仙台由天堂變成煉獄，她說：「好驚訝！個心好唔舒服，覺得自己好好彩，換轉自己喺當地嘅話，都唔知點算好！諗起喺仙台見過嘅漁夫，唔知佢哋有冇事，為佢哋擔心，仙台係一個好靚嘅小城市，啲人好熱情、好友善，可以打開心窗同陌生人傾偈，面對天災好多嘢都做唔到，惟有祈禱，如果有乜嘢可以幫手嘅，自己都會盡力做，每年自己願望只求平安健康開心，好簡單已足夠。」
Mandy透露地震發生時身在香港工作，由於地震引發很多地區發生海嘯，當時身邊的女同事表示其夫婿正在台灣工作，大家都憂心忡忡，幸好最後無恙。
Mandy祈求平安健康開心，生活簡單已足夠。
曾於一月走訪仙台的Mandy，十分擔心當地漁夫的安危。