蒙嘉慧伊健取消日本行
蒙嘉慧（YoYo）昨日出席《Only You只有您》情定印度婚禮活動時透露，男友鄭伊健原本要到日本工作，但因地震取消，而YoYo原本打算月底到九州或沖繩旅行，現仍在考慮會否起程：「睇到事件被日本人嘅團結感動咗。」
同場的鄭嘉穎則表示暫未打算往日本，但很尊重日本人：「日本人經歷事件不失尊嚴，令我更懂得去保護地球。（前緋聞女友佘詩曼北上搵銀？）佢應該經過深思熟慮，佢同無綫應該仲有部頭約，會繼續為無綫拍劇，中、港兩邊做咁，希望仲有機會同佢合作，祝佢願望成真、搵多啲錢。」而他透露與無綫仍有合約，至於會否北上？他說：「我希望中、港兩邊兼顧到，冇咗香港市場會好可惜。」
另外，昨日返港的莫文蔚亦表示短期內不會赴日開工，問到有否計劃支持災民，她說：「我有幫好多慈善團體做大使，都有聯絡佢哋。」
蒙嘉慧和鄭嘉穎玩遊戲宣傳劇集。