雲南攀雪山古仔搵命博
古天樂和吳彥祖（Daniel）昨日在中環鬧市拍攝《竊聽風雲2》的追逐戲，吸引數百途人圍觀，場面墟冚。而台前幕後昨晨趁人少，先拍攝爆破及古仔喪跑場面，因腳傷關係，古仔完成戲份後，坦言感到痛楚。
談到即將出發往雲南拍攝杜琪峯新片，因當地受餘震威脅，以及要他一口氣登上海拔四千多呎，古仔直言擔心安全，但無奈要趕在雪山溶雪前埋位，故惟有頂硬上。至於日本大地震，古仔說：「都係嗰句『珍惜眼前人』！我試過喺日本公幹，食食吓飯感到搖晃，知道係地震，想搵地方匿，點知望吓其他日本食客，佢哋竟然冇反應！」而Daniel完成昨天煞科戲後，今日緊接出發往北京拍攝新片《王的盛宴》。
古仔（右）和吳彥祖在鬧市拍攝《竊聽風雲2》。