李亞男照Dup祖藍女妝

李亞男昨日欣賞《FLASH Outline彩妝藝術互動展覽》，她大讚妝容形象大膽前衞，更想搵男友王祖藍做白老鼠，讓她試化大膽妝！

由《Flash ON weekly》舉辦的《FLASH Outline彩妝藝術互動展覽》，昨日吸引李亞男、劉倩婷、o靚模Bambi、Ivy和Iris等前來欣賞。對於場內展示的多款大膽前衞形象，李亞男大讚有時代感：「好High Fashion，又推廣時裝，成個感覺好潮。（試過化大膽妝？）冇，近排公司影新Profile相，都有少少形象改變，不過未去到咁大膽，因為驚啲人唔認得。（想試化大膽妝？）想呀！（搵男友王祖藍試咗先？）都得喎！佢化女仔妝好靚女，咁化完覺得個妝OK，我先再化咪得囉！」

劉倩婷自誇可塑性高

至於港姐劉倩婷亦仔細欣賞每個形象，她說：「好靚呀！好Sharp，我不嬲都好鍾意睇啲頭髮造型、時裝嗰啲，所以我好羨慕，覺得成件事好Crazy。（有冇試過化呢啲妝？）冇呀！因為港姐出身個形象都要斯文。」她更透露自己化不同的妝，都會有很大的變化，可塑性非常高。而陳靜師妹Bambi、Ivy和Iris亦大讚妝容極具創意。