Evelyn賈曉晨留港以策安全

保安局宣布，由於日本福島縣發生核電廠爆炸，當局已提升對有關地區的外遊警示至黑色！圈中人紛紛取消赴當地旅行，「陽光妹」Leanne、Evelyn及Anjaylia昨日出席活動時，Evelyn說：「一夜之間變成咁，真係好無情！本來諗住兩星期後去旅行，睇嚟要取消！」同樣曾考慮月底赴日的Leanne亦要改Plan，Anjaylia則轟有黑心網民留言，希望大家將心比己。

至於賈曉晨（JJ）則說：「本來諗住暖少少過去旅行，依家要取消！」吳日言則說：「新聞話當地可能有餘震，留喺香港好啲，香港最安全！」而連續兩年赴日拍特輯的周麗淇則說：「之前喺當地拍嘢識到唔少朋友，好彩佢哋平安！」早前在當地買了一棵樹的她更說：「好彩連棵樹都冇事。」

Evelyn（左起）、Leanne及Anjaylia慨嘆天災無情。