周柏豪前晚擔任美國時裝品牌新店開幕嘉賓，他透露原定下周到日本旅行：「不過依家有嘢做，而且又大地震所以取消咗！」談及緋聞女友何超雲被指與陳山聰食情人節大餐，他說：「我唔回應，我唔知，我只係有睇過報道。」他亦坦言沒有因近日的緋聞而聯絡超雲：「大家都知道緋聞係緋聞，平日真係好少接觸。（有冇佢電話？）有，不過只係傳過短訊，冇打過。」至於暫告一段落的何家爭產事件，他表明不會主動慰問超雲：「如果見到面會問，不過呢啲係人哋屋企嘅事，唔會講咁多，朋友放喺心就OK！」
突然殺出緋聞情敵，不知柏豪是喜是悲？
