何超雲陳山聰話唔定有發展

何超雲與陳山聰傳出緋聞後，陳山聰形象插水，被稱為「被包養的賤男」！二人公開否認拍拖，超雲否認包養陳山聰，但承認喜歡同類型男士，雙方均不排除有發展空間！

何超雲昨日接受電話訪問時否認包養緋聞男友陳山聰：「呢件事太影響我個人，我唔會供養任何男人，我唔要人供養，亦唔會供養任何人！」問到與山聰現時的關係？她說：「普通朋友，不過就係因為緋聞反而多咗聯絡！」她形容與對方只是普通朋友，只是有時相約食飯或SMS聯絡。

否認共度情人節

對於有指他們早前一同過情人節，超雲堅決否認：「絕對唔係！」並表示不知道山聰已經離婚：「我唔知！大家做朋友唔會講，相信呢個係佢嘅秘密！」她又解釋山聰現居的陽明山莊豪宅並非屬於其母陳婉珍：「揸寶馬唔係淨係何家嘅人可以，人人都可以買！」

此外，她否認為山聰護航，認為交朋友只在乎投緣，與對方是否貪錢沒有關係。問到對方是否符合其擇偶條件？超雲竟說：「好多嘢話唔定！」並希望事情盡快平息。

包養男人笑大個口

另一邊廂，山聰昨日透過電話表示早已知道超雲接受傳媒訪問解釋事件：「佢有通知我！大家都希望件事告一段落！」他更表示不會因事件而斷絕聯絡，又承認現時回復單身，但暫時不會追求超雲，亦相信超雲對他沒意思。談及被「包養」，他非常維護超雲：「佢咁後生得22歲，話佢包養男人，真係畀人笑大個口！」