張慧雯銀色旅途由烏龍開始

應屆華姐、有「苟芸慧師妹」之稱的張慧雯簽約無綫後備受力捧，被安排亮相節目《華麗明星賽》及《正識第一》，但其處女登場作卻鬧出大笑話，張慧雯名副其實是烏龍闖星途。

應屆國際中華小姐季軍張慧雯（Candy），效法師姐苟芸慧來港發展，得到無綫力捧，安排她在《華麗明星賽》及《正識第一》亮相。不過，她初出茅廬就鬧出大笑話，錄影《華麗明星賽》時誤認蘇永康是梁漢文（梁炳），尷尬瘀爆！

Candy其後接受訪問，已將尷尬事拋諸腦後，她說：「當時其實冇乜嘢！因為自己都唔知講錯嘢！後來其他Star Ladies同我講先知覺得大件事，佢哋愈安慰我就愈想喊。之後都諗住主動同蘇永康講番句對唔住，但我埋去都未開口，佢已經同我講冇事，佢好Nice、好大方。」

目標清晰孝順父母

問到日常生活是否經常擺烏龍？她說：「唔係，事實上我係唔熟香港藝人，但係我中文OK，喺加拿大都一直有讀中文，依家係記中文名差啲，要適應，英文就唔會鬧出笑話。」

現年21歲的Candy來港發展目標很清晰，希望兩年後有能力照顧專程來港陪伴她的父母：「父母好偉大，專登由加拿大返嚟香港陪我，佢哋照顧咗我好耐，希望努力做嘢，等我可以照顧番佢哋。」