周麗淇交足戲喊定先
周麗淇（Niki）早前與甘草演員程可為拍攝新劇相擁而哭的戲份，二人非常入戲，喊到收唔到聲！原來Niki拍攝前已培養情緒，難怪一埋位即交戲喊得出！
日前，周麗淇（Niki）與程可為、姚嘉妮及曹永廉等拍攝《我的如意狼君》，劇情講述Niki受到挫折後離家出走，飾演其家人的程可為、姚嘉妮及曹永廉等在街頭找她，最後Niki與可為兩母女相擁而泣。其實Niki在拍攝前已準備就緒，眼淚幾近奪眶而出，導演打趣叫她「忍住先」，免得浪費眼淚，等到埋位時，Niki眼淚流個不停，順利完成拍攝。
推Job專心拍劇
事後Niki接受訪問時說：「拍攝時要成日喊，試過喊到抽搐，個劇本寫得好感人，我自己讀緊劇本時都會喊咗出嚟，另一個挑戰就係好多對白，最長嗰場戲有七頁紙！今次同添哥（監製李添勝）第一次合作，希望做到最好，所以推咗其他工作，想多啲休息，希望以最佳狀態拍攝！」
飽受挫折的周麗淇一臉愁容，七情上面。
周麗淇拍攝與程可為相擁而哭的場面，拍完還喊到收唔到聲！
姚嘉妮與曹永廉忙於拍攝《我的如意狼君》。