熊黛林：冇人叫我阿嫂

名模熊黛林（Lynn）昨日與緋聞男友郭富城的好友張智霖出席活動，張智霖表示從未稱呼Lynn做「城嫂」，難怪她狂呻：「冇人叫我阿嫂！」

張智霖（Chilam）與Lynn昨日出席溥儀眼鏡活動，對於獲緋聞男友郭富城激讚性感又感性，她說：「有人讚梗係開心！（咁城城咩時候最性感？）喺舞台上最性感！」記者追問是否濕身時最Sexy？她尷尬乾笑兼面紅冒汗，並說：「有自信同認真做嘢嘅男人最吸引！」問到城城好友Chilam有否稱呼她做「城嫂」？Lynn即大發嬌嗔：「冇人叫我阿嫂，我都未結婚！」

至於為備戰個唱消瘦不少的Chilam笑說：「依家係出世以嚟最Fit嘅狀態，除衫嗰陣自己都嚇一跳！（老婆袁詠儀鍾唔鍾意？）佢話見鬼咁！」問到有否尊稱Lynn為「城嫂」？他說：「我幾時有叫過？我叫佢Lynn！多謝佢有真金白銀買我演唱會飛。（去城城做嘉賓嗰場？）唔知佢買邊場喎！（可能只係為咗捧城城場？）吓？唔係啩？」

解構劇集疑「魂」

此外，Chilam前晚偕王菀之及台灣歌手A-Lin錄影《勁歌金曲》，對於劇集《魚躍在花見》收視理想，Chilam坦言是大家的功勞，但不介意「萬歲」請劇組人員食飯。談到《魚》劇出現「靈異」圖案，UFO發燒友Chilam澄清櫃中的「圖案」只是倒影：「如果係都係外星人啦！至於話石頭上面有人頭圖案，其實嗰個係一個藝術雕塑。」