趙彤等飲啟剛晶晶喜酒
尹蓁晞（Yumi）因「溫仔」而遭經理人公司雪藏兼被飛出鄧特希新劇《親密損友》，令經理人戴夢夢很激氣，日前夢夢隨有份演出《親》劇的趙碩之（Wylie）到亞視傾劇本，對於Yumi失場，她說：「此人不值一提，公司最嬲唔止金錢上損失，係聲譽上嘅損失！我哋放棄佢o架啦！」
Wylie與接替師妹的趙彤碰頭，二人並無尷尬，Wylie更稱要教趙彤講廣東話。曾與霍啟剛傳緋聞的趙彤，即使「執二攤」兼在劇中「胸大冇腦」亦不介意：「我心情好興奮！冇諗嫁入豪門，只想有幸福婚姻。（霍啟剛同郭晶晶算唔算係童話？）佢哋喺我心目中係一對，佢哋一早就視對方為老公、老婆啦！（請飲會去？）一定去，但人情就要儲吓錢先！」
趙彤大讚霍啟剛和郭晶晶十分相襯。
趙彤、趙碩之和關楚耀將在新劇中合作。