陳敏之撐「阿哥」感情無分對錯
對於「阿哥」陳山聰公開已與Ponny離婚，好友陳敏之表示昨日閱報才知道，大感震驚：「好唔開心，我哋係局外人唔方便畀意見，唔想騷擾Ponny，但會SMS佢。（佢心情點？）唔知，但希望佢哋將來各自有開心生活。（有指山聰搭上何超雲？）未係事實唔想評論，感情嘢冇話啱定錯，條路佢自己揀，佢開心就得。」梁烈唯則說：「睇報紙先知，唔會太震撼，成年人會諗清楚先做決定，尊重佢哋。（打畀山聰慰問？）唔會，咁敏感嘅時候，再加上我同佢好少講兒女私情。（若佢同超雲拍拖？）祝福佢，始終係一段新嘅姻緣。」而商天娥只知山聰有女友，不清楚他被指搭上超雲：「每人價值觀唔同，開心咪得！但盡量唔好傷害人。」