「TGC」行騷唱歌謝安琪黐GaGa班底

日本《TGC》將於5月殺入北京開騷，大會邀得謝安琪（Kay）表演兼行騷，適逢製作人是美國百變天后Lady GaGa的音樂總監，Kay將藉此難得機會黐實作音樂交流，打造《囍帖街》後的經典！

為打入中國市場，《Tokyo Girls Collection》將於5月7日假北京萬事達中心舉行《TGC時尚盛典》，除了日本歌姬倉木麻衣、中國名模呂燕、韓國女星韓智慧及韓智敏外，Kay是首位獲邀表演兼行騷的香港歌手，地位不言而喻！而本港的Angelababy、日本的香里奈及長谷川潤亦是被邀請之列。今次大會的製作人，正是Lady GaGa的音樂總監Daniel Merlot，Kay將把握今次機會跟他作音樂交流，分分鐘度身打造新歌，對粉絲來說無疑是喜訊！

欣賞音樂才華

對於GaGa的音樂總監Daniel負責北京騷的音樂製作，Kay可作音樂交流，本報記者致電她的經理人夏森美，他不諱言有機會跟Daniel合作：「大家都有機會見，因為Daniel係我朋友個朋友，可以嘅話一定會同佢見面！」問到會否拉攏Kay跟Daniel及GaGa合作？他說：「如果有機會都會傾吓！不過GaGa主力跳舞，都要睇番Kay嘅未來音樂路向。其實Kay好欣賞GaGa嘅百變形象，表面上佢形象誇張，其實好有音樂才華，有好高深嘅音樂訓練！」

無懼珠玉在前

至於Kay則表示極之期待今次北京之行，除了行騷外，亦會獻唱國語歌《第二個家》，實行以歌聲俘虜粉絲！對於周秀娜及Baby等曾在《TGC》中性感Show Off，她自言不會感到壓力：「《TGC》有好多唔同品牌，只係香港報道集中喺內衣騷，其實都有好多女性潮服，到時希望可以帶畀大家驚喜！（係咪第一次行天橋？）入行初期行過一次，之後都好少行喇！」