預產期在6月的陳倩揚，已驗出腹中塊肉是男丁，昨日她穿上高踭鞋出席商場活動，老公全程監場，又蹲在地上為她拍照，十足緊張大師！陳倩揚說：「喺屋企我只負責煮飯，佢就係打雜，做晒一切家務，仲要喺床邊講故事胎教，佢一講故事，BB就靠向佢嗰邊。」
至於另一準媽咪蔡少芬的預產期則是5月，她在網上留言：「大肚女人真幸福，但好苦……何苦……」原來丈夫因居留問題未能全程貼身照顧，令她有感而發。
腹大便便的陳倩揚，為貪靚而穿高踭鞋，睇見牙煙！
陳倩揚老公緊張地在旁傍實，又為太太拍照，認真廿四孝！
